مسلسل " الإختيار 2 - رجال الظل "... بين النجاح الساحق و السقطة الكبيرة و الهجوم المتعمد

 دائرة الحماية للمحرك  "المولدات الكهرائية"

هي دائرة كهربائية وظيفتها إيقاف المحرك عند حدوث بوادر عطل ما وذلك لحمايته وحماية الأجزاء الرئيسية من التلف 

عشان كدة الحماية بتكون على بعض البنود الرئيسية زي

1) ارتفاع درجة حرارة مياه التبريد.

2) انخفاض او ارتفاع ضغط الزيت.

3) انخفاض او ارتفع سرعة المحرك.

وفى بعض البنود الاضافيه اللى ممكن يتعمل عليها حماية زي

1) انخفاض مستوى مياه التبريد.

2) انخفاض او ارتفاع الفولت الخارج من المولد.

3) انخفاض شحن الدينامو للبطاريات.

4) انخفاض او ارتفاع الهرتز الخارج من المولد.

5) انخفاض مستوى الوقود في التنك.

دوائر الحمايه بتنقسم الى العقل والحساسات وبطال المحرك .

أولا:- العقل وده فيه منه نوعين.

1) دائرة بسيطة واسمه Key Start  (كى استرات) ودى عبارة عن مفتاح تشغيل للمولد مع حمايه على البنود الرئيسية بس 

2) دائرة معقدة شوية ودى شاشة تقدر تشغل المولد مع وجود حماية على البنود الرئيسية وكمان الاضافيه وتقدر تقرا القيم الخاصه بكل بند زى درجة الحرارة، عدد الساعات ، ضغط الزيت، الفولت والامبير، والهرتز وسرعة المحرك

ثانياً الحساسات 

ودى عبارة عن جزء بيحس بالبند اللى هعمله صيانه ويحولها الى اشاره كهربيه  للعقل بتاع دائرة الحمايه ويبقى كده فى حساس حرارة وده بيحول درجة حرارة المياه الى اشاره كهربيه يفهمها شاشة الحماية "العقل"

وزيه فى حساس ضغط الزيت وحساس السرعه وهكذا.

الملخص:-

 ان دائرة الحماية دى لحماية المحرك لانها لو مش موجوده ممكن المحرك تحصله مشكله ولا يتوقف ، المحرك ويتكسر لحد ما يوقف.

علشان كده دائرة الحماية مهمه جدا جدا جدا .

لو عندك مولد مفيهوش دائرة حماية لازم تعمله دائرة حمايه .

ولو عندك مولد فيه دائرة حمايه لازم تفحصها كل فتره وتتاكد انها شغاله كويس ومفيهاش اعطال.