عشان في ناس أول مره تروح مطروح و مفيش عندهم فكره عن أسماء الشواطئ وأماكنها .

شواطي مطروح 👇

1 💚 شاطئ الهنا "مبارك سابقا"

و الشاطئ ده يعتبر اقرب شاطئ لمنطقه شارع اسكندريه و زاهر جلال و مناسب جدا للاطفال لان الموج بتاعه هادي و المايه صافيه ونضيفه جدا و ده طبعا غير رملته الناعمه و يعتبر من افضل الشواطئ بالنسبه لمصييفين كتير

2 💜 شاطئ العوام

و ده بقى الشاطئ اللى قصاد مسجد العوام على طول يعنى فى وسط البلد و المايه بتاعته جميله جدا و مناسب للاطفال و للكبار

3 💛 شاطئ الليدو & البوسيت

و طبعا مفيش حد زار مطروح و ميعرفش منطقه الليدو و البوسيت و الشاطئ بتاعهم حلو جدا و مايته جميله ده غير اللسان اللى بينهم و اللى تقدروا تتمشوا على فالغروب بجد المنظر بيكون ممتع جدا

4 ❤ شاطئ روميل

و ده بقى البحر بتاعه هادى جداا ومفيهوش اى موج خالص ، يعنى لو معاكى اطفال هتبقى مطمنه عليهم جدا ، و اوعوا تنسوا تزوروا المكان ده بليل هتلاقوا مكان خاص لركوب العجل و كافيهات و قاعدات بدويه تجنن بجد

5 💙 شاطئ الفيروز & باب البحر

و يعتبروا قريبين جدا من منطقه روميل و نفس نظام المايه بتاعته و يعتبروا بحيره و بردو المكان هناك أمن جدااا على الاطفال ومن مميزات الشاطئ ده طبعا برج غنيوه وكافيتريا الكرم وطبعا والبرجولات بتاعته اللي فيها خصوصيه والقعده فيها مالهاش حل 👍👍👍

و دول بقى الشواطئ البعيده عن البلد شويه لكن مينفعش ابدااا تييجى مطروح و متزورهومش 👌

ولو مش معاك عربيه تقدر تركب ليهم مواصلات من ميدان الجلاء قصاد المحكمه القديمه و اسعارها مناسبه جدا

6 💛 شاطئ كليوبترا

و ده بينه وبين شارع اسكندريه حوالى 12 كيلو و فيه حمام كليوباترا الشهير

و الشاطئ هناك مقسوم لجزئين

شاطئ عام 👈 وده المايه بتاعته هادى جدا و تقدر تنزل اولادك وانت مطمن عليهم

شاطئ مفتوح 👈 و ده غير صالح ابدا للاطفال و النزول فيه بيكون صعبة جدا بس المناظر هناك حلوة اوى ده غير أنه مناسب للصيد

7 💚 شاطئ الغرام "شاطئ ليلى مراد"

و ده بقى من الشواطئ الحلوة اوى اللى ناس كتير بتحبها جدا و هناك هتلاقي صخره ليلى مراد لكن حاليا بقت ف وسط البحر بسبب عوامل الزحف ، و الرمله بتاعته ناعمه جدا و ده بينه وبين شارع اسكندريه حوالى 15 كيلو تقريبا وده تاني شاطئ مفضل عندي بعد الأبيض 😍

8 💜 شواااطئ الابيض

و دول بقى حوالى 7 شواطئ و منهم ( الابيض العام ، بلو بيتش ، زمردة الابيض ، عروس الابيض ، المروه الجديد )

و دول بقى مستحيييل تروح مطروح من غير ما تزورهم ، انا عن نفسي بعشق مايتهم ولازم اروح هناك كل سنه

هناك هتلاقى احلى وانقى مايه ممكن تشوفها ف حياتك و الرمله كمان صافيه جدا و ناعمه ده أجمل شاطئ ف مطروح ع الإطلاق هيفوتك نص عمرك لو مروحتهوش 😂

9 💙 شاطئ ام الرَخم

و ده بردو مايته صافيه جدا و جميله و موقعه غرب مطروح و بينه وبين البلد حوالى 23 كيلو تقريبا

10 💜 شاطئ عجيبه

و ده بقى اللى نقدر نقول عليه " اسم على مسمى فعلاااا " ، بجد سبحان من أبدع و صور الجمال ده و الصخور الرائعه دى

المكان هناك حلو اوووى و يستحق الزياره ، و بينه و بين وسط البلد حوالى 27 كيلو تقريبا

11 ❤ شاطئ مينا حشيش & الرمليه

ودول موقعهم بعد حوالى 10 كيلو تقريبا شرق مطروح

يتميز هزا الشاطئ بواجهة شرقية لا توثر فيها الرياح الشمالى و الغربي ممتاز للسباحة و توجد مناطق امنة للاطفال و ايضا ممتاز للصيد

12 💜 شاطىء الجونة

وهو من انقى و اصفى شواطئ العالم رمال بيضا مياء صافية ونقية ليس لها مثيل يقع على طريق شاطىء عجيبة خلف فندق كارلوس بحوالى 100 متر

13 💚 شاطئ باجوش

ﻋﺒﺎﺭﺓ ﻋﻦ ﺧﻠﻴﺞ ﻭ ﻳﻌﺘﺒﺮ ﻣﻦ ﺃﺟﻤﻞ و اروع ﺍﻟﺸﻮﺍﻃﺊ ﻭ ﻳﺒﻌﺪ ﻋﻦ ﻣﺪﻳﻨﺔ ﻣﻄﺮﻭﺡ

ﺍﻟﻌﺎﺻﻤﺔ ﺣﻮﺍﻟﻰ 48 ﻛﻢ ﺷﺮﻗﺎً

14 💛 شاطئ المروة الجديد

و ده من شواطئ الأبيض اللى اتكلمنا عليها و هو فى طريق عجيبة قبل شاطئ الأبيض ليه دخله يمين مكتوب عليها شاطئ المروة الجديد

و الموج فيه عالي بس منسوب المية منخفض يعني ممكن الاطفال يلعبوا في المية في بداية البحر بس تكون مخلي بالك اوى منهم

15 💖 شاطئ رأس الحكمة

يقع هذا الشاطئ شرقي مطروح العاصمة ب70 كيلو متر تقريباً وهوه شاطئ عام وليس خاص. ولا توجد خدمات بهذا الشاطئ" ومن مميزات هذا الشاطئ أنه غير مزدحم ومناسب للخصوصية وللعائلات وأيضاً مناسب جداً للأطفال الصغار

💥اسعار الشواطي 💥

البوست اللي كلكم بتطلبوه

حيتم تثبيته ع الجروب

❤️كليوباترا العام شمسيه و ٤ كراسي ١٠٠

🌹الهنا شمسيه و ٤ كراسي ١٥٠ صف اول لو صف تاني ٨٠ البنانا الفرد ٢٥ الكنبه ٣ افراد ١٠٠

💥 ام الرخم شمسيه و ترابيزه و ٤ كراسي ٨٠

🌺زمرده الابيض صف اول شمسيه وترابيزه و٤ كرأسي ١٥٠ صف تاني ١٠٠

😍لؤلؤة الابيض شمسيه و ٤ كراسي ١٠٠

👌بلوبيتش دخول السيارة ٢٠ شمسيه و ٤ كراسي ١٥٠لو مش مستاجر انما لو مستاجر ١٠٠

💗 روتس شمسيه و ترابيزه و ٤ كراسي ٨٠

🏖عروس الابيض شمسيه و ترابيزه و ٤ كراسي ٨٠ وده صف واحد

💎 روميل شمسيه و ٤ كراسي ١٢٠

🌈كليوباترا امام المزار برجوله ١٢ كرسي ٤٠٠

🌸 اللجونه شمسيه و ٤ كراسي ١٥٠ ( جنب كارلوس)

🥰الليدو صف اول ١٥٠ صف تاني ١٠٠

🦋الغرام الفرد ٥٠ ترابيزه ٢٠

💐الفيروز شمسيه و ٤ كراسي صف اول ١٥٠

🌷الابيض قوات مسلحه دخول ٥٠ للفرد ٢٠ للعربيه شمسيه و ٤ كراسي ١٠٠ شمسيه و ٦ كراسي ٢٠٠ وفيه مصدات امواج

🌼العوام شمسيه و ٣ كراسي ١٥٠

🌻الريفييرا الفرد ١٥٠

⭐️احمد بدوي شمسيه و ٣ كراسي ٢٠٠

🌙 الابيض الأصيل شمسيه و ٤ كراسي و ترابيزه ٨٠

💦مينا حشيش شمسيه و ٤ كراسي صف اول ١٠٠والرميله وعلم الروم شمسيه واربع كراسي 100

🦌غزاله الزمرده شمسيه و ٤ كراسي ١٥٠

🌴النخيل برجولا ترابيزه و ٤ كراسي ١٥٠

🦩🦩 شاطي فندق السلام ١٠٠ شمسيه و ٤ كراسي

⛱🏖 شاطئ الممر قوات مسلحه الفرد ٢٥

🏝⛱شاطئ الشلال جننب الممر شمسيه كبيره ١٢٠ (٣ متر ).صغيره ٧٥ برجوله ١٥٠

شامل دوش مجاني

كلو صف اول

يارب تقضوا أجازه سعيده ومصيف سعيد

البيت المصري ... نحو حياة افضل

القائمة الرئيسية

الصفحات

تعرف على شواطئ مرسى مطروح