القصة:
بتحكي عن دان فورستور وهو عالم وفى نفس الوقت بيخش مهمة لإنقاذ البشر من وحوش سنة 2051... لأن جنود 2051 بيرجعوا لسنة 2022 وبيطلبوا من مجموعة من البشر يخشوا معاهم نفس المهمة... ف هل هينجحوا فى إنقاذ العالم؟
- الفيلم من نوعية أفلام الخيال العلمي/ الاكشن/ الدراما
ويمكن أي حد من التريلر هيحس إنه مشابه شوية من أجواء فيلم Edge of Tomorrow و بالمناسبة كان فيلم جيد جدا... والفيلم كان المفروض ينزل سينمات ولكن هو اتباع لمنصة Prime Video ودة كان قرار موفق جدا
- على مستوى السيناريو...
أقدر أقول إن الفيلم مليان مشاكل أو بمعنى أصح كان عنده خطوط حلوه فى الشخصيات وعلاقتهم ببعض زي على سبيل المثال خط الاب وبنته اللى هو يعتبر أحسن الوحشين فى الفيلم.. و اضايقت لإنه كان يقدر يطلع منه آكتر من كدة أو زي علاقة الاب وأبوه أو حتى علاقة الشخصيات اللى فى الفرق اللى بتقدم فى عمليات خطيرة ضد الوحوش وكل دة مش بيتقدم ويمكن فيه حاجات تانية كتير... الواحد كان محتاج فيها تفاصيل لكن الفيلم اغفلها لدرجة إن قعدت أسال لية الفيلم مدتة ساعتين و 10 دقايق.. طلما الفيلم بيقدم الحاجات ديه بشكل سطحي... وليه بتحاول تقدم مشاهد درامية وإنت أصلا قررت إنك مش هتهتم بيها... لأن أنا عندي إنك تشيلها أحسن ما تخليها وكأن يعنى بتشفق علينا إنك بتحاول تقدم دراما
- وعلى مستوى الخيال العلمي...
ف الفيلم بيقدم فكرة ممكن تبان من برة معقدة وشكلها حلو وتحس إنه قريب من جو Interstellar مع فرق الزمن والمكان طبعا... ولكن دة محصلش واتقدمت بمنتهى السطحية لدرجة إن إحنا اعفلنا تفاصيل 30 سنة بنبقى عايزين نفهم القواعد بتاعته داخلة منين وخارجة على أية
- ونيجي بقى لأخر عنصر وهو الاكشن...
الحقيقة الاكشن بيقدم بظبط 4 معارك بين الشخصيات والوحوش وكانت معمولة بمنتهى الاتقان والمخرج بذل مجهود جامد عشان تطلع بشكل جيد ومنها إلى يوصل ل جيد جدا واحيانا ممتازة... لانه قدر يوفق جانب المؤثرات البصرية بشكل حلو جدا وفى الموجهات والمعارك وإن كنت عايز آخر معركة كانت تبقى أطول من كدة شوية وتاخد راحتها إكتر
- على مستوى الاخراج ...
وزاوية تصميم الوحوش كان فوق الرائع.. واظن بقالي كتير مخوفتش من وحوش كدة.. اة الفيلم كمان فيه جانب اثارة ورعب معمولين حلو جدا هيخليك تقلق ومش على بعضك فى كتير من المشاهد.. ودة فى رأي عوض الفيلم كتير.. حتى كمان طريقة التصوير كانت معمولة بعناية وانك تبقى مبهور بيهم... مشكلتي مع الاخراج هو ايقاع الفيلم الطويل اللى مكانش له داعي
- على مستوى الأداء التمثيلي..
ف السيناريو مداش فرصه لحد إنه يمثل أو يطلع اللى عنده ودة عيب سيناريو.. باستثناء بطل الفيلم كريس برات اللى كان عنده مشهدين كويسين جدا
- فى النهاية الفيلم كويس ولكن أنا فى رأي هو لو كان فيلم اكشن سطحي كتصنيف كان هيبقى أفضل بكتير
التقييم النهائي (6.5/10)
تعليقات
إرسال تعليق