مشكلة فى طلمبات Allwelier CLT series centrifugal ، طلمبة منهم كانت بتسرب جامد فكينا الطامية لاقيت الshaft متاكل من تحت الmechanical seal
الميكانيكل سيل راكب علي العمود علطول مفيش جلبه shaft sleeve
بالنسبة للمضخة بتنقل water reflux مياه مضاف ليها chemical حرارتها حوالي 70 Celsius
ايه الاسباب اللي ممكن تسبب ده و ايه علاج الshaft ممكن يتصلح احسن طريقه ايه
..........................................
اولا دى مشكله ممكن تكلفك انك تغير عمود بالكامل لان مصمم المضخه لم يركب جلبه shaft sleeve تحت الميكانيكل سيل
الاسباب اللى ممكن تؤدى لكده ممكن تكون
- ان حصل تسريب من الميكانيكل سيل و ترسب وتجمد على العمود امام الاورنح على العمود و بقى ثابت لمدة طويله فاصبح صلب و عندما احتاج الاورنج ان ينزلق على العمود يحدث احتكاك بينه و بين العمود فى وجود التسريب المترسب فيعمل كانه صنفرة على العمود
شوف الفيديو دة بيوضح ازاى بيحصل الترسيب ده من هنا
- ان حصل تسريب من الميكانيكل سيل و ترسب وتجمد على العمود امام الاورنح على العمود و عندها تصبح السوسته مائله مما يجعلها تحتك بالعمود و يحدث تاكل فى جنب واحد من العمود و سوف تلاحظ وجود اثار الاحتكاك على القطر الداخلى للسوسته
- و ممكن كمان يكون تفاعل كيميائى للترسبات دى عملت corrosion
عندى حاله كدة على مكتبى حاليا هتلاقى صورها تحت
اما بالنسبه للحلول
ممكن عمل metal spray للعمود
ممكن عمل اصلاح العمود باحد مواد cold weld المخصصه لاصلاح الاعمدة
ممكن عمل خراطه للعمود بقيمه 1 مم و تركيب جلبه sleeve شحط shrink fit و ارجاع قطر العمود لاصله
اخر حل لكنه محتاج مهارة و دقه و هى لحام العمود لكن ببطء شديد و حرص حتى لا يحدث له انحناء
تعليقات
إرسال تعليق