الي زوجات العاملين بمجال صيانةالسيارات
حضرتك لما تتجوزي واحد شغال في مجال العربيات ولازم تخدي بالك من شويه حاجات بسيطه !!🙄
١. لما يقول خلصت شغل وجاي فيها علي الاقل ٣ ساعات.
٢. مش معني إن الأحد أجازه إنه مش هيروح الشغل ، ده شئ طبيعي إنه يروح.
٣.ومش معني إنه يسافر مصيف إنه ما يشتغلش في التليفون ع الاقل.
٤.ومش معني إنه نايم معناها إنه ميفكرش في حل مشكله معينه ممكن تلاقيه بيكلم نفسه وفي بعض الأحيان ممكن يصلح عطل وهو نايم.
٥.متحاوليش تتناقشي معاه خاصتا لو قالك أنا ف الشغل خلي الاجابه أه أو لا لإنه بعد الشغل مش هيكون فاكر إنه كلمك أساسا.
٦.في وقت هتلاقيه باصص للسقف وسرحان هو مش بيلعب يوجا بس ده الوقت إللي هو قرر يلاقي حل لمشكله كبيره في شغله.
٧.لما حاجه تبوظ في البيت مش لازم كل ٦ شهور تفكريه بيها هو بيكون عارف ومستني اللحظه المناسبه عشان يصلح فيها الحاجه دية
٨.لما تساليه إنت ليه مردتش عليا ف التليفون أو الواتس ويقولك انا رديت صدقيه هو مش بيكدب بس هو مستقبل حوالي ٢٠٠ مكالمه في اليوم وفاكر إن آنتي من ضمنهم.
بتوع العربيات محتاجين العطف عليهم ف متطلبيش منه آكتر من مصروفك إللي هو حدده مش معني إنه شغال مجال العربيات معناها إنه بيقبض باليورو بالعكس هو بيقبض بالجنيه عادي وساعات ممكن ميقبضش خالص.
وفي النهاية اللهم احمي كل الناس ويسر لهم طريقهم وارجعهم إلي اهلهم سالمين
تعليقات
إرسال تعليق