مسلسل " الإختيار 2 - رجال الظل "... بين النجاح الساحق و السقطة الكبيرة و الهجوم المتعمد

 

القصة: 

بتدور عن يونس اللى بيعرف بأسم (العارف) وهو هاكر ماهر وبسبب كدة بيتم تجنيدة من الشرطة المصرية وفى إحدى مهماتة بيلتقي ب راضي اللى المفروض شبه مات فى العملية ولكن تمر السنين ويتم الطلب من يونس إنه يرجع تآني بعد لما شبه استقال إنه يرجع فى مهمة عشان يجيب راضي ولكن فيه شوية حاجات فى الماضي ب تطاردة... ف هل هيوافق يونس ؟ وهينجح فى مهمتة ؟

- فيلم العارف هو منقسم ل ثلاث أقسام وهما (الاكشن/ الجاسوسية/ الدراما) وهنكلم عن كل واحد فيهم

- الاكشن: كان جايلي أراء كتير عن مدى إعجاب الناس بالاكشن وإنه جديد ومتعملش زيه قبل كدة.. ولكن للأسف أنا مش متفق مع الرأي دة اوي... الاكشن اة موجود وكل حاجة.. بس مفيهوش حاجة جديدة ومفيهوش أفكار جديدة ومقارنة ب آخر عملين ل عز (ولاد رزق٢ أو الممر) حتى... الاكشن مقدمش جديد.. اة معمول كويس ومتقن إلى حد ما ولكن مفيهوش جديد... حتى لما جينا نقدم حاجة جديدة زي مشهد فى فصل (إيطاليا) معمولة ب وان شوت مكانتش معمولة حلو وكانت باين آوي القطعات وديه من المرات القليلة اللى ميعجبنيش مشهد لأحمد حافظ على مستوى المونتاج ولا حتى طريقة تصويرها من احمد المرسي.. حتى كمان كان فيه مواجهة فى النهاية بين يونس وراضي اللى المفروض كلنا مستنينها والمفروض تبقى المواجهة الاعظم اتقدمت بشكل مش حلو.

- ودة مش معناه إن بقول وحش ولكنه مش جديد ومعمول كويس.. يمكن كمان بعض المشاهد نجحت إنها تسببلي اثارة أو ترقب زي مشهد الاقتحام أو مشاهد التفجيرات والفضل الاكبر يرجع فى رأي لفريق المخاطرات والتصوير ولكن الفضل الاعظم يرجع الموسيقى الرائعة جدا لهشام نزية وكانت إضافة قوية واعتقد لولاها كان عامل الإثارة مش هتبقى أفضل حاجة

- على مستوى الجاسوسية الفيلم حقيقي فاجئني لأنها اتقدمت بشكل متقن جدا وحلو وممتع وكمان كان فيها تشغيل مخ وألعاب العقل و الهكر اللى اتقدمت فيها كانت حلوة رغم إن مش متأكد إنها أصلية آوي ولا لأ.. بس عجبتني وخصوصا فى النص الأول من الفيلم وكانت من الحاجات اللى كانت فيها اثارة برضه واقدر أقول إن إحنا رفعنا السقف من الجانب دة وعن عالم الهاكرز ودة شئ كويس جدا ومتوقعتوش ودة يرجع لسيناريو الجيد جدا ل محمد سيد بشير

- على مستوى الدراما برضه الفيلم فاجئني لإنه مهتم بكل التفاصيل و السيناريو كان متماسك إلى حد كبير وبيخليك تربط كل حاجة تقريبا ونجح فى دة.. سواء كان فى البناء الدرامي للاحداث أو حتى الشخصيات اللى كانت ممتازة.. أو حتى علاقة يونس على جانب المخابرات أو حتى مع عيلته اللى هي أساس حبكة الفيلم ودة برضه كان جيد جدا

- على مستوى الأداء التمثيلي:

 ف أقدر أقول إن احمد عز بيقدم أداء جيد جدا لشخصية يونس وهو عليه الصراع الاكبر فى الاحداث وكالعادة عز كان تلقائي ودة يحسب له

-ولكن عندي تعليق يخصه على مستوى البدني والحركي مش التمثيلي... فى رأي مشاهد الاكشن كانت ممكن تبقى أفضل من كدة لو كان تم استخدام طريقتين

- الأولى: هو أن عز كان محتاج يمرمط نفسه... يعنى كان محتاج يدرب على المشاهد ديه ويبقى فيه صعوبات.. عشان أقدر أحس بالمخاطرة والمجهود وإن الواحد يطلع من المشاهد ديه وهي معلمة فى دماغة لأنها مش بتتنسي

- الثانية: هو أن المخرج كان يقرر إن تصوير المشاهد ديه كلها تبقى وان شوت لأن دة كان هيتم ابرازه آكتر ويخلي المشاهد أمتع.. لانه لما قرر يعمل كدة للأسف مكانتش حلوة مقارنة مثلا مشهد لمحمد رمضان فى فيلم الديزل وعلى فكرة ال مشهدين متأثرين من فيلم Atomic Blonde

- إما احمد فهمي قدم أداء كويس جدا ونقدر نعتبره نقلة ولكن الدور بتاعه كان محتاج يبقى أكبر فى المساحة واعتقد إن فهمي لسه محتاج ينوع ويعدي على أدوار آكتر.. بس فى كلتا الحالتين هو طالع كسبان من الفيلم

- كارمن بصيبص كانت جيدة جدا وخصوصا فى كيميتها مع عز كانت حلوة ودمها خفيف

- محمود حميدة أداء كان جيد جدا رغم ظهورة القليل ولكن كاريزمته هي اللى كانت طاغية آكتر

- أما على مستوى الاخراج: احمد علاء الديب كان كويس ولكن قولت تعقيبي عليه فى مشاهد الاكشن.. ولكن قدم كدرات روعة وصورة الفيلم كانت جميلة مع احمد المرسي... وعلى مستوى الديكور كان جيد جدا مع محمد عطية.. ومشاهد التفجيرات على مستوى المؤثرات البصرية كانت جيدة جدا

- فى النهاية فيلم العارف فيلم كويس... فجائني فى حاجات حلوة جدا فى الدراما و الجاسوسية.. ولكنه كنت عايزه يبقى أفضل شوية فى الاكشن اللى هو أهم اولوية له.. بس على كل الاحوال يستاهل المشاهدة جدا

التقييم النهائي (7.5/10)