تدريجياً ويوم عن يوم بتنجح الدولة في ترسيخ فكرة إن التعامل الإليكتروني في الحصول على الخدمات الحكومية يكون هو الأساس.. تقليل التزاحم، السرعة، والسهولة؛ كلها أسباب منطقية بتخلي الخيار ده هو الأمثل بالنسبة للمواطنين كمان مش بس الدولة.. عشان كده أتاحت وزارة التموين والتجارة الداخلية خدمة توصيل بطاقة التموين "ديلفري" لغاية البيوت!..
الخدمة هتكون من خلال بوابة مصر الرقمية و بتشمل كل أنواع بطاقات التموين سواء استخراج بطاقة جديدة أو بدل تالف أو فاقد أو فصل اجتماعى للفرد المتزوج..
إزاي يقدر المواطن يحصل على الخدمة؟.. أولاً هيدخل على موقع بوابة مصر الرقمية.. ثم هيختار الخدمة اللي عايزها بالظبط هي استخراج بطاقة تموين ولا بدل فاقد ولا تالف، وغيرها.. بعدها هيختار خدمة توصيل البطاقة للمنزل.. رسوم الخدمة كلها هتكون 23.5 جنيه.. خلال أيام وبمجرد ما يتم التأكد من صحة البيانات وطباعة البطاقة بتصول لحد البيت..
اللي عملته وزارة التموين هو تنفيذ توجيهات القيادة السياسية اللي كانت واضحة بالتحول الرقمى والتيسير على المواطنين فى الحصول على خدمات مميكنة ومتميزة.. وهتلاقوه بيحصل في كل الوزارات التانية برضه.. مفيش فرصة للتسهيل على الناس وإنهم ياخدوا خدمة مريحة تليق بيهم مش هيتم تطبيقها.
تعليقات
إرسال تعليق