بداية الموضوع ان الحكومة رصدت 150 مليون جنيه للتطوير عزبة نادي الصيد و فعليا الشغل بدأ والحكومة بدأت وجابوا معدات وكل حاجة.
فجاء الشركات سحبت المعدات و المواسير الجديده ومن حوالي ٥ ايام عضو مستقبل وطن اللي نائب عن الدايره اللي فيها نادي الصيد قال ان نادي الصيد هتتنقل مساكن الماؤي ودي بعيده جدا.
غير كدا أصحاب الشقق اللي متملكين مش هياخدوا ملك هياخدوة شقق ايجار بس و الايجار 300 جنيه و طبعا اغلب المنطقه فقراء جدا دا غير المنطقه معتمده علي المحلات اللي مفتوحة في نادي الصيد.
وطبعا اللي هيروحو بشاير الخير 1 محدش استلم محالات بديلة لمحلاتهم اللي هيا اكل عيشهم ، يعني ناس كتير مش هتلاقي شغل كمان المطار و منطقة downtown اتباعت لمستثمر خاص ، يعني مش هيعرفو يشتغلو هناك ، يعني بطالة اكتر.
كلنا مع التطوير لكن مع الحق الناس دي لازم يتم تعويضها بطريقة صحيحة ، اللي عندة ملك ياخد ملك ، اللي واخد أيجار ياخد ايجار بنفس المبلغ ، اللي واخد محل ياخد محل بديل ، غير كدا يبقي التطوير مش صح ، ياريت محافظ الاسكندرية يعمل زي ما حصل في بورسعيد او اي منطقة تانية ، الناس دي معاها كل الحق.
الناس مش ضد التطوير ابدا هناك حتي أهالى العزبة عارفين ان المنطقة عبارة عن مستنقع، لا يجدون الحياة الأدمية على الإطلاق، فلا شوارع مرصوفة، ولا شبكات صرف صحي، ولا خدمات بنية تحتية ولكن يتم التعويض بطريقة صحيحة ، فيه ناس عندها محلات و شغل و شقق كتير ولازم ياخدو التعويض المناسب.
جانب من التجمعات من أهالى عزبة نادى الصيد
تعليقات
إرسال تعليق