مسلسل " الإختيار 2 - رجال الظل "... بين النجاح الساحق و السقطة الكبيرة و الهجوم المتعمد

   

مرحله تأسيس السباكه 

1 - استلام الوحدة السكنية 

 بعد ما تستلم الشقه أول حاجه بتعملها التعديلات المعماريه.... عاوز تبنى جدار او تشيل جدار كده يعنى 

2 - التصميم 

بتعمل رسمه لتواجد الصحى والفرش بتاع الحمام والمطبخ يعنى فين مكان الحوض و القاعدة و البانيو فى الحمام و مكان حوض المطبخ و الغسالة و الفلتر و السخان او كما يطلق عليها من مكاتب التشطيب" رسومات التصميم"  .

3 - السباك 

 بتشوف فنى او مقاول سباكه شاطر تكون تعرفه أو تشوف سابقه أعماله وتتاكد أن دا شغله مش سارق صور حد تانى 

4 - المعاينة و معرفه التكلفة

  بتحدد مع الفنى أو المقاول موعد معاينه بييجى يشوف الشغل و تبلغه بكل اللى فى تفكيرك و تحدد بالظبط هتعمل ايه 

A. هتعمل عزل ولا لا ونوعه ايه 

B. التواليت دفن معلق  ولا عادى ولا معلق صندوق خارجى 

C. الحوض ع وحده خشب او رخام أو نص ركبه أو قائم

D. بانيو ولا شاور .. و لو بانيو قبل السيراميك ولا بعده و لو شاور هيبقى دفن عادى ولا دفن بجيتات ولا عادى التقليدى الخارجى ولو هتعمل بانيو وشاور بردو تعرفه .

E. صفايه الشاور عاوزها  مستطيله ولا مربعه ولا مثلثه وال3انواع فى منهم بيتركب قبل السيراميك وفى بعد السيراميك وال قبل السيراميك افضل علشان التوصيل سيفتى 

F. هتعمل صرف بلكونات ولا لا 

G. هتعمل شطاف خارجى التواليت ولا لا 

ولو هتعمله بارد بس ولا بارد وساخن 

وهيبقى دفن ولا خارجى 

H. هتعمل بيديه ولا قاعده فقط .. البيديه فى منه عادى وفى منه معلق 

J. السخان غاز ولا كهرباء .. تانك أو العادى .

K. هتعمل صرف تكييفات ولا لا ولو هتعمل صرف تكييفات لازم تجيب فنى تكييفات يحدد إمكان الصرف قبل ما السباك يشتغل .

L. المطبخ الخلاط شجره ولا حائطى 

N. الفلتر فوق الرخامه ولا تحتها 

M . الغسالات محتاجه ساخن وبارد ولا بارد بس 

X. هتعمل بيبه فى المطبخ ولا لا

Y. ولو فى اى تعديل فى الشغل الخارجى تعرف من السباك أو تعرفهوله. 

المهم لازم تعرفه كل التفاصيل 

علشان لما تتفق ع مبلغ معين الكلام ميتغيرش و لازم تشوف كذا سباك و تختار منهم المبلغ المناسب لك و خد بالك لسه ثمن الخامات و ثمن تركيب الصحى بعد ما تخلص تشطيب باقى الشقة .

5 - الخامات 

 السباك اللى حيشتغل هيكتبلك الخامات تسال بنفسك عن افضل انواع الخامات و تروح تشترى بنفسك  و لو السباك ثقه هيعرفك تجيب ايه 

عموما هما 3شركات ال فى مصر 

اكواثيرم 

ايجيك 

الشريف 

6 - الحساب 

الدفعات اول يوم دفعه بعد انجاز نص الشغل دفعه بعد الاستلام دفعه ..  حساب التشطيب لوحده لحفظ حقك و حق السباك يعنى تركيب الخلاطات و الحوض و القاعدة بعد تركيب السيراميك بحساب تانى و متدفعش غير لما يجى السباك يركب .

7 - الاختبارت

A.  اختبار مواسير المياه بيتم عن طريق الشركه المنتجه للمنتج ال انت اشتريته والسباك هو المسئول عن دا

B.  اختبار الصرف ودا بيعمله السباك 

C. اختبار العزل 

وشهاده الضمان فى شركات بتديهالك فورا وفى شركات بتستلمها بعد يومين وممكن يبعتوهالك ع الواتس لحين استلامها 

D. اختبار مخارج الميه علشان لو فى سدد لا قدر الله 

8 - بتستلم منه الشيرب مظبوط ولو فى خلاطات أو قواعد دفن بتسلم منه ال min ولا max والمناسيب والمقاسات والميزان طبعا وبتستلم كل مخارج الصرف متقفله علشان متتسدش و تصور بموبايلك كل دا قبل ما تركب عليهم السيراميك علشان حتحتاج الصور ديه لما تيجى تشطب الصحى أو تركب رخامة او مواسير غاز 

9 - دى من أهم الحاجات قبل السباكه لو الحمامات مش متربعه بتجيب مبيض محاره يعمل بؤج علشان السباك يشتغل عليها صح 

10 - الشيرب ودا اهم حاجه لكل البنود وهو تحديد مستوى السيراميك لازم كل ال يشتغل يحترم الشيرب دا  بيحدده السباك مع المهندس المشرف او السباك لو مفيش مهندس وطبعا بيراعى باقى البنود ال بعده 

علشان تعرف هتعمل ايه فى السباكه لازم تشوف صور او تزور معارض السباكه والأدوات الصحيه والسيراميك زى السلاب ومحجوب ومظلوم و ماچستيك دا غير معارض ليسيكو و شارع ترسا بالجيزة و السبتية و الفجالة فى القاهرة و الدكتور فى أسيوط و ال زيهم كده.