حنتكلم النهاردة على مشكلات السحب من ATM
💳 في حاله برضه مرتبطه بموضوع الفئات. وهي انك احيانا تطلب مبلغ معين والفئات المتاحه ف المكنه مش هتساعد انك تعرف تسحب المبلغ ...ازاي؟ تعالو نشوف
مثلا و انت ماشي ف الشارع افتكرت انك محتاج تسحب مبلغ و ليكن 550ج .. فرحت ع المكنه عشان تسحب المبلغ ولقيتها بتقولك الفئات المتاحه 20/100/200
يعني فئة ال 50 خلصت
هل حتعرف تسحب المبلغ المطلوب؟
طبعا لأ .... ولو كتبت المبلغ 550 هيطلع الكرت من غير ما تقولك سبب
يبقى الحل ايه .... يا اما تسحب 600 ج او 560 او 500 وتكمل الباقي من جيبك لأن الماكينة مفيهاش فئة ال 50 جنية
طيب لو نفس الفئات اللي فوق ☝☝ دي ممكن اسحب مثلا مبلغ وفيه كسور من اول ال 20ج ومضاعفاتها لحد 80ج
وفي بعض المكن مبرمج ميسحبش غير فئة وحده ف السحبه يعني متعرفش تسحب مثلا 150 ج ف مره وحده تسحب 100 وبعدها 50 وده (بعض المكن) وده بتجربه شخصية
💳 في حاله برضه بتمنع السحب مقولناش عليها ف البوست اللي فات وهي انه الكرت يكون تالف او منتهي الصلاحية
وبالنسبه للصلاحية بتكون رقم مكتوب ع وش الكرت بالشكل ده 10/24 ده معناه انه الكارت ينتهي صلاحية استخدامه في 31/10/2024 حيث انه 10 ده بيمثل الشهر و 24 تمثل السنة
وبالنسبه للتالف انه يكون الجزء الممغنط من الكرت (الشريط الاسود) او الشريحه يكون تعرض لخدش او حراره عاليه او اي تلف تمنع استخدامه وفي الحاله دي لابد من استخراج كرت بدل تالف
💳 الحاله الاخيره انه يكون كارت حضرتك موقوف من جهة الاصدار لاي سبب هتعرفه لما تتصل بخدمة العملاء التابع ليها الكرت لمعرفه سبب الايقاف
لمعرفة الأخطاء الشائعة عند التعامل مع ماكينات ال ATM اضغط هنا
تعليقات
إرسال تعليق